連續三年米芝蓮 人均唔使$100 唔收加一

 

之前新開成日大排長龍，而家就算週末，呢間分店等10-15分鐘就OK，所以就同一班朋友去試吓。

 

我最鍾意食嘅係佢哋嘅「肉鬆芝士蛋餅」、「涼拌豬頸肉配大蔥蒜泥」、跟餐嘅「台式酸菜滷肉飯」。另外，「九層塔鹽酥雞」同埋「椒鹽炸豬扒」都係我嘅心水！

 

套餐都係70幾蚊，非常抵食，已經有一個餸同埋一碗酸菜滷肉飯。跟餐加嘢飲，絕大部分都係$15 ，有勁多選擇，我最鍾意❤️「大紅袍珍珠奶茶」（可以叫走甜+自己加少量全天然代糖）。

 

仲有唔同嘅烏龍奶茶、有仙草、加珍珠、仲可以加寒天、白桃烏龍茶都係我非常喜歡嘅。鍾意果味嘅就可以揀芒果同埋橙味等等嘅水果茶。

 

另外，必定必定要試嘅就係「酥脆手工蔥抓蛋餅」：我最鍾意係肉鬆芝士，嚟過兩次都係食呢款口味，下次我會叫香腸蛋餅 / 玉米芝士蛋餅。

 

佢呢度嘅小食價錢都幾親民，由$15到$40左右，有椒鹽甜不辣，酥炸花枝丸、藥膳排骨湯、花雕麻油雞湯、九層塔鹽酥雞等等。

 

平日嘅套餐$72起，已經有一份巨型嘅椒鹽炸豬扒、酸菜台式滷肉飯，加嘢飲都係10幾蚊。冇加一嘅。

平日午飯、或者星期六日嗰啲，預返等位都要15-20分鐘左右。

 

留意佢哋嘅下午茶非常抵食！不過要等到晏晝3:00先至開始。
 

嚟緊馬鞍山新港城中心四期會有新分店，不過唔知幾時開。

 

【台菜滷肉飯】

鑽石山荷里活廣場2樓235號舖

大角咀奧海城二期一樓Food Court

荃灣海壩街99號地下