【國內精明消費小貼士】

★點樣將 ¥100 變做 ¥200 用？

★點樣可以半價食gaga? ¥9.9 嘆埋巨杯裝鮮果茶？

★M Stand咖啡☕️買1送1？

 

同樣係 ¥100 ，但如果能夠食到 ¥200嘅嘢，你話係咪好爽呢？

 

喺深圳、珠海、中山等等嘅地方，消費嘅時候其實有勁多優惠同埋福利，簡單講，收藏打卡就會送嘢食嘢飲，有啲做會員又會有啲精品。

 

不過講到最實際嘅，一定係 ★半價餐飲券、★飲品買一送一券、甚至係 ★¥9.9 嘆到原價 ¥33 嘅巨杯裝鮮果茶。

 

如果你係返國內消費嘅新手，可以參考以下呢4點。但如果你已經係達人級數，可以直接跳落去下一個分段。

 

  1. 去到餐廳、按摩或者水療嘅地方，店員通常都會叫你自己掃碼下單。

     

  2. 但唔使心急，建議可以開「美團」、「大眾點評」等等嘅app，睇吓有冇啲 ★特惠套餐 或 ★折扣現金券（例如係用 ¥75買到 ¥100嘅現金券）。

  3. 之後同店員講你想用現金券落單/埋單，佢哋就會幫你搞掂。放心，國內嘅服務員通常都非常友善、有禮而且好幫手。

     

  4. 最後，「收藏同打卡」通常都會有免費飲品、甜品、小食甚至係其他嘅限量精品，記得要向店員查詢。

—------------

另外，如果你已經係「😎達人級數✌🏻」，想搵 美團優惠 同 現金券 以外嘅 ★神券 / 更強勁嘅優惠，咁就要睇埋以下呢幾點：

 

  1. 留意餐廳枱面 或 收銀處，一般都會有做會員嘅「入群碼」。掃碼加入微信群組之後，一般會見到形形色色嘅優惠券。
     

    舉例：喺我同助手都好鍾意飲嘅咖啡店 M Stand, 入咗會員群組之後，你會見到：★半價餐飲券、★飲品買一送一券等等嘅優惠圖片。

     

    揀選自己想用嘅優惠券，例如 ★飲品買一送一券，原價¥40嘅咖啡，其實唔平，但用咗優惠券之後，兩杯巨量裝，都只係¥40/2 ，有啲款式更加係¥35/2杯。

     

    另外，好多飲品店都有「無添加糖」、「完全無糖」嘅選擇。如果想要啲甜味開心吓，除咗可以用我哋網店有售賣嘅不同口味液體添加糖、全天然嘅冇卡路里獨立代糖包之外，宜家喺咖啡店或者Gaga同埋喜茶等，都可¥1加一份完全冇卡路里嘅液體代糖。

     

  2. 除咗買一送一券，做會員之後，仲會有好多嗰啲8折券、無條件使用嘅¥30現金券、增值¥1000送¥200、用¥8做30日會員就可以用會員價食飯（約9折）基本上一單就回本。而且國內大部分呢啲會員都唔會自動續會嘅，即係你今次用完，下次再去玩嘅時候先再俾¥8享受30日嘅優惠咁樣。我覺得均真啲，如果計過第一單都已經慳多過¥8 ，咁我就會即刻入會，因為有時入會仲會送啲小食或者燉湯。

     

  3. 最後，加入微信群組做會員仲有一個好處，就係喺指定日子，可以買啲¥10、¥20、¥40嗰啲券，然後嗌嘢食嘢飲就有半價優惠。

—-----------------------

 

**如果想知更多喺國內消費、飲飲食食、按摩水療、甚至係滑雪等等嘅資訊，記得要follow我，多啲讚好同留言，咁就唔會錯過之後嘅好玩post

 

P.S: 嚟緊我仲會詳細分享點樣半價食gaga、按摩點樣最抵、唔同餐廳嘅入會攻略等等，有興趣可以like我哋嘅Facebook、follow我哋、有問題就可以WhatsApp我： 66881970。我係阿Kay，我哋下次見！