🙋🏻‍♀️有冇人同我一樣咁鍾意食湯麵

 

👍🏻今次介紹呢間麵店，主打每日新鮮手工製作、有四款唔同闊度嘅秘方手工麵條：幼麵、粗麵、中麵同寬麵。
 

當日好熱，見到好多人嗌「手撕雞涼麵」。雞肉望落厚實軟滑。加埋佢哋特製嘅醬汁，價錢又合理，難怪係「人氣必點」！

 

我哋就試咗：牛腱蜂巢豆腐胡椒湯底手工幼麵、薄切羊肉麻辣湯底手工幼麵、滑雞酸麻手工幼麵、手拍青瓜🥒、雙拼餃子🥟、小辣嘅洋蔥牛肉手工餡餅、佢哋仲有鹹檸七同鹹檸樂，仲可以叫無糖可樂添。

 

🍜湯底就有原味清湯、麻辣、酸辣、酸麻辣、胡椒、胡麻湯底。再分五種辣度，加埋嘅變化簡直就⋯⋯ 我都數唔到😆 

 

幾款湯底都真心唔錯，我最欣賞佢所有麵都係當日新鮮手打，質感非常有嚼勁，唔會煮到軟軟爛爛。

 

羊肉、雞肉、牛腱三款都新鮮、少少薄切，非常有咬口，但又唔會成口渣。

————————

 

戴定頭盔先：呢間嘢唔係主打平，反而係質素高，份量大，所以最好就搵埋三五知己，嗌兩碗湯麵、一個涼拌麵、試吓唔同嘅湯底同埋手工餡餅，再叫多個餃子同小食就啱啱好。

 

我當日食荃灣店，幾個後生女非常好禮貌，出餐亦好快。

 

我哋坐樓上，寬敞而且冷氣好夠凍，我哋食飽三個人仲坐喺度吹咗一陣水，嗰啲妹妹都叫我哋慢慢坐慢慢坐（當時都已經接近晏晝兩點）

 

如果唔係寫介紹搵資料，都唔知道原來佢已經有咁多間分店，少少嚇親，哈哈，證明佢應該做得唔錯😌👍🏻 


 

YKY自家麵

 

新界

荃灣大壩街25號地下

 

九龍

尖沙咀加拿分道15-19號地下

旺角花園街5號鴻威大廈2座地下

旺角花園街8號地下

 

港島

上環禧利街21號地下

中環威靈頓街61號地下

灣仔大王東街22-30號地下

銅鑼灣登龍街36號登輝大廈地下

銅鑼灣渣甸街55號地下