以前我總會同自己講，其實肥瘦都一樣，人生匆匆、食得開心、享受生命先至係最重要。

但漸漸見到身上嘅肥肉、鬆垮垮嘅肚腩、着乜都唔好睇嘅身形，其實難免影響心情。

瘦身從來都係為咗自己，調整體態就會更加輕盈舒適。然後發現人生原來有更多嘅選擇。


瘦身要成功，第一樣就係唔好覺得「肚餓」呢個感覺好嚇人、好痛苦，然後成日怕自己肚餓就搵嘢食。

其實「肚餓」係身體慢慢消耗熱量、提升代謝、令到頭腦更加清醒嘅過程。輕微嘅飢餓感，能令到個心靜落嚟，搵返自己身體應有嘅代謝節奏。

瘦身時，唔好同自己講我要「忍住唔食」或者「唔可以食」嚟控制自己嘅飲食，因為呢種諗法容易令人喺飲食上失控，引起體重大爆發；相反，我哋只係「等陣先食」，或者「遲啲再食」。下次想食一啲高脂高卡路里嘅食物嘅時候，可以安排自己過一陣先食，或者15分鐘之後完成某啲工作之後再食。

延遲滿足好多時能夠遏止好多嘅衝動，減少不必要嘅卡路里吸收同埋後悔嘅心情。

人生真正嘅舒服，一定唔係食到過飽；反而係喺餓同飽之間，搵到自己舒服嘅平衡。


有瘦身成功過嘅朋友一定明白，如果你好怕「肚餓」，一肚餓就覺得人生好似缺少咗啲咩，係要搵啲嘢去填滿嗰份空虛；然後食飽咗，反而其實你唔會覺得踏實，人生只會變得昏昏沉沉。

所謂嘅「肚餓」，好多時只係眼瞓、缺水、或者個心好攰。

因此，記得要瞓得好、多飲水、多郁動、同埋了解吓究竟自己係咪有好多嘅壓力，要盡量停止內耗，搵返自己覺得舒服嘅狀態。

記住每個人嘅體質唔一樣，你唔需要刻意去捱餓，總之溫和、均衡嘅飲食先至係你對身體最負責嘅做法。

我哋唔需要追求一啲體重數字上嘅目標，反而係要學識平日唔需要食得太過豐盛呢個concept，但喺適當時候亦都要俾自己享受一下：無論係自助餐、火鍋、甜品等等，咁先至活得平衡又開心。

最後，如果大家都想「人生最後一次瘦身」，我建議從幾方面着手：

1. 飲食上，記得將碳水化合物集中喺晏晝食，夜晚有需要就食少量，亦都可以試吓做「碳循環」；每餐都記得要盡量先食纖維，而每日都要奉行高纖、高蛋白同低碳嘅飲食（但唔可以唔食碳水）

2. 食飽要行吓：就算唔做任何運動，都記得一定要行返10-20分鐘。平時盡量唔好長期坐，每個鐘都起身大概5分鐘--- 去下廁所、斟水，總之就搵啲嘢做吓咁。呢個對於減少囤積脂肪、穩定血糖非常有幫助。

3. 一定要諗辦法瞓得好：瞓得少或者瞓得唔好其實最傷身、最容易令人肥嘅，唔單止會令第二日嘅血糖非常差，亦都會令人對油炸、高糖、高脂肪嘅嘢有強烈嘅渴望。想瞓得好啲可以搵我，我都算係半個「睡眠專家」。

4. 每日只係喺指定2-3個時段食嘢：即係除咗早午晚三餐之外，其他時間唔好覺得冇嘢做就食幾塊餅、然後又食幾粒朱古力、轉個頭可能又會想食少少生果咁樣（老實講，我係超級鍾意咁樣做，因為成日發口痕）。但呢一個「頻繁飲食」嘅方式，亦都係最致肥嘅（同血糖波動有關）。

5. 瘦身期間，如果要出街食，或者冇乜時間準備健康嘅三餐，咁可以考慮一啲高纖維嘅飲品、天然嘅減脂或者阻隔脂肪、糖分或者碳水嘅產品，只要成份天然，一定會令到你瘦身嘅過程更加輕鬆，又可以同時適量享用美食。

最後，如果有咩疑問，歡迎大家隨時WhatsApp我 6688 1970，話我知你平日嘅飲食大概如何、瘦身期間遇到咩障礙，仲有你嘅身高、年齡、體重或者目標等等，總之有咩問題都可以同我分享㗎。