健康瘦身唔複雜，但需要學習。

 

想血糖穩定，大幅減低脂肪增加（瘦），更易維持窈窕嘅體態（瘦一世），每日都必須做以下10件事：

1. 起身/餐前先飲水：餐前 250-300 毫升就可以大幅增加飽肚感 +  減低嗰餐嘅攝取量

 

2. 早餐要有蛋白質 + 0添加糖，唔好淨係食一片多士 / 麵包 / 麥皮。可以加埋雞蛋、牛油果、煙三文魚、水浸吞拿魚吖

 

3. 盡量每餐都先食菜和蛋白質，飯可以留到較後段混合菜同肉一齊食

 

4. 食慢啲啲：研究證實，慢慢食係會食得少啲嘅（平均少22%）

 

5. 食飽就起身行吓，只需要行10至15分鐘，研究證實對降血糖已經非常有效果

6. 返工嘅時候，每20至30分鐘就起身行吓，可以係飲水、去洗手間、甚至只係企起身行一個細圈都有用
 

7. 所有飲品都記得揀「無糖」：如果想要甜味，可以考慮全天然嘅代糖或者液體糖，我網店仲有好多唔同嘅口味選擇添。加入飲品、甜品、涼茶、麥皮、乳酪等等都好合適
 

8. 生果記得盡量飯後食，對血糖影響最輕微。盡量唔好下午茶空肚食、亦都唔飲果汁
 

9. 每日盡量要食足25克纖維（成年女性）若果喺三餐裏面攝取不足，可以考慮額外再買產品添加。若果想降血糖，記得每日最少最少都要食到10克以上嘅纖維，先至會有效果
 

10. 瞓夠7-8小時：瞓得夠，一定瘦！研究表明，如果你瞓得唔夠或者唔好，第二日會攝取多額外接近300卡！


 

想要瘦唔需要花大錢，亦唔需要戒掉任何嘅食物。


 

以上10招，全部都可以令到血糖更穩定，唔會忽高忽低。就可以更精神同更集中。


 

食得啱食得好，對大人同小朋友嘅身體健康、學習同工作等，都會有非常顯著嘅幫助。


 

健康瘦身唔複雜，但需要學習