1.⁠ ⁠米紙卷：我買嘅係大蝦、烤牛肉、燒雞三合一嘅款式，好多超市都有，而且價錢唔貴。通常8-9成都係蔬菜，側邊嘅醬汁可以適量食用，又或者自己準備我網店都有嘅零脂低卡沙律汁。

2.⁠ ⁠炭燒雞肉、雞柳或者雞胸肉，超市有唔同牌子嘅產品，可以去大型嘅百佳惠康睇吓，好似我手上呢一盒，細細盒已經有38克嘅蛋白質，適合更年期前後嘅婦女、發育期嘅青少年、有做運動又想增肌減脂嘅朋友。

3.⁠ ⁠越南嘢都係一個好選擇，好似越式法包，揀啲薄扎肉嘅款式，通常冇乜醬汁，勁多菜，不失為一個好選擇。

4.⁠ ⁠另外，一田、惠康、TASTE, Market Place嗰啲，都有好多唔同類型嘅salad pack. 通常醬汁會放埋一邊，呢個安排就好貼心。除咗有紅菜頭、三文魚、沙律蛋、仲有藜麥、蕎麥麵、烤茄子、紫洋蔥、牛油果等等嘅款式，呢啲天氣，食一大盒做lunch或者晚餐就最合適。