1️⃣鈣思寶：呢個系列有非常多選擇，最好當然就係揀添加鈣質同無糖嘅款式。若果有膽固醇問題，可選有「植物固醇」嘅款式。$22-24/6包

2️⃣香蕉：減壓 + 去水腫首選。雖然有啲朋友可能會擔心佢嘅卡路里同糖分，不過果糖就唔同白砂糖，適量攝取可以。一條香蕉其實已經約莫等如一個女性每日兩份需要嘅水果。$11/2隻

3️⃣齋啡、7–11即磨齋啡：冇卡路里，可以稍微幫我哋減輕水腫。飲咗之後記得飲返多啲水，以免因腸乾而造成便秘。另外， 7–11 / DONKI 仲有好多日本低糖低卡嘅咖啡，平時經過嘅時候可以留意吓。

4️⃣韓國即食雞肉：呢一隻款式，我認為此魚肉多啲，打開包裝之後發嗰啲肉比較鬆散。味道OK，但係價錢唔算好抵。有時攞嚟撈蒟蒻飯或者蒟蒻麵都OK 。$22@

5️⃣金龜麥魷魚絲！助手至愛！圖中呢一包21克，冇記錯係50卡左右。唯一要注意嘅係佢嘅鹽分，不過以零食來講，佢都算係非常高分。睇戲、行山、去旅行都可以食嘅。$24@

6️⃣無糖嘅茶：夏天有時真係好鬼熱，想飲啲嘢嘅話，呢啲都會係好好嘅選擇。如果必須要飲甜味，可以加入液體代糖。全天然，Kay會建議適量使用。約$10@

7️⃣7–11日式醬油糖心蛋：佢呢個系列仲有好多口味，我最鍾意就係麻辣同花雕，不過呢排就淨係見到日式醬油同埋古法茶葉糖心蛋。即使經過調味，但雞蛋都算係餐與餐之間比較健康嘅小食。做早餐都得㗎 。$19（2隻）

8️⃣另外一隻要放雪櫃儲存嘅即食雞肉：無添加防腐劑，每一件大約100克， 104卡。$20@

9️⃣雀巢粟米片穀物棒：大約77-79卡 /1條（係呀，佢個營養標籤一邊寫77 ，一邊寫79 ）有少少蛋白質、1.9克脂肪，1平茶匙糖。都算係餐與餐之間相對健康嘅補充。