早餐：直接唔食 / 或首選油脂 及 蛋白質類
齋啡、清茶、甚至係加咗少少奶嘅咖啡：全部都OK！

—-----------------

午餐：纖維纖維纖維（最多人可以注意多啲嘅部分）成年人，每日需要最少25克纖維，一碗生菜只有一克纖維，所以如果出街食，唔好揀生菜，油菜全走就盡量揀芥蘭、沙律類就首選羽衣甘藍。飲嘢就加啲奇亞籽、夜晚唔食飯可以食幾湯匙枝豆，凡係豆類都有唔錯嘅纖維。

一平碗碳水化合物（最多人唔願意食，但身體其實點都需要嘅養分）白飯都唔緊要，最緊要係食多啲纖維先，可以嘅話，老土啲講，梗係食豆、食根莖類、或者高纖啲嘅米飯。

蛋白質一定要足夠，香港好多人都唔太了解每日要食幾多蛋白質，如果你60公斤，每日應該食90克嘅蛋白質，大概係13隻雞蛋咁大嘅蛋白質。晏晝可以食雞扒、雞上髀、蒸雞、蒸魚、蒸海鮮、滷水牛腱牛筋⋯⋯

—-----------------

下午茶：其實唔應該會肚餓，假設你午餐有聽我講食纖維、食蛋白、食碳水，真係唔會餓嘅，除咗心癮。

如果一定要食，首推紫菜！尤其是我網店嗰隻，高蛋白、高纖維、重要冇嗰啲垃圾添加，而且好味，四個味，車輪咁食，滿足滿足！

飲茶如果想飲啲嘢，無糖嘅茶、無糖嘅有氣飲品、無糖嘅台式奶茶半杯、唔好揀有奶精嗰啲，最好揀鮮奶嗰啲，然後自己加代糖，凍熱都得，熱嘅其實更加飽肚。


—---------------

晚餐基本上係重複午餐嘅操作。如果冇運動習慣嘅話，晚餐可以唔食碳水化合物，或者淨係食少少高纖米同豆豆。

想方便啲，可以喺超市或者759，買啲高纖維嘅即食飯，一叮即食，或者隔水加熱都得。

————-
以上係理想嘅三餐安排，如果跟到，加埋阻隔性產品，週末可以隨便食。

如果平日要出街食，都係食咗阻隔性產品打底先，記得要勁食纖維先。如果嗰餐乜冇纖維，就飲一包TRIMTOX，跟呢個方法食嘅話，一世唔會肥。

————
食飽記得盡量行15至20分鐘，唔好即刻坐低。

平日要飲水飲水飲水，每晚最少瞓7個鐘。