今次呢間「炭火雞煲生蠔火鍋」真正隱世！

三五知己一齊去嘅話，可以試吓佢哋 「¥428 無花果脆皮雞煲四人餐」，我同朋友當日就係食呢一個餐，感覺非常唔錯。清清淡淡又可以食到走地雞好天然嘅原味，亦都享受到手切牛嘅鮮嫩，湯頭非常養生，有啲啲似竹蔗茅根 加 椰子雞煲湯底嘅鮮甜味道。整體就係清清潤潤、不肥不膩嘅感覺。

若然你係較重口味嘅朋友，唔使擔心，佢哋都有提供唔同嘅醬汁＋配料俾你自行調配。推薦較特別嘅沙茶醬、腐乳；如果想食得健康啲，有薑蓉、辣椒、沙薑蓉等等嘅選擇。

 

店舖嘅裝修好似四合院咁，復古懷舊，亦都有老廣東嘅特色。服務員年青夠晒熱誠，我見週末雖然好忙碌，但服務都好周到。啱啱九月，佢哋喺旁邊開咗間新嘅姊妹店，所以就算高峰期，等位時間都唔會太長。

 

收藏店舖並打卡，可以揀一支樽裝可樂 或 維他奶，令我諗起7、80年代嘅香港。

「¥428 無花果脆皮雞煲四人餐」包括：

  1. 清潤鮮甜 無花果 粟米紅蘿蔔 雞殼湯底

  2. 紅燒脆皮乳鴿、古法鹽焗乳鴿、豉油王乳鴿：三選二

  3. 海苔肉鬆菊花沙拉（當日售罄，我們選擇了麻辣拍青瓜代替）

  4. 365天脆皮老母雞：一共四碟

  5. 火山五柳炸蛋：酸酸甜甜，非常好吃！

  6. 手切牛：吊龍一碟

  7. 半斤活海蝦、手打墨魚滑、雜菜拼盤

  8. 臘味煲仔飯！！

（有高質嘅飯焦 + 優質臘味 + 好食！）

 

 

當日朋友還點了皮蛋、豬手等冷盤，味道通通都不錯！我就喝了無糖的手打檸檬茶。湯底還有粟米及紅蘿蔔等蔬菜，建議可以在一開始的時候先食用，先有纖維打底，增加飽肚感和減少吸油。

 

如果你對無花果湯底雞煲興趣不大，佢哋仲有五指毛桃雞煲、生蠔雞煲、天麻魚頭煲㗎 。

 

整體來說，這是一家有誠意和值得一試的火鍋店。黃昏六點來最好，不用排隊，還看到北山大院黃昏美麗的景色。飯後可以繼續在北山閒逛，有不同主題的酒吧、甜品店、爵士吧、手工藝店、整潔的夜市路邊攤、非常不錯的按摩店等等。

 

—----------------

💡【小秘訣】💡 

喺國內消費，可以善用「大眾點評」唔同嘅功能：

  1. 睇定餐牌有咩食

  2. 喺app裡面 一鍵打電話 或 叫車 去餐廳

  3. 睇食評、買現金代用券、訂位、check下店家嘅繁忙時間等

 

—----------------

🍺 朱珍妹。無花果生蠔雞煲火鍋（北山店）
 

地址：珠海 香洲區 南屏鎮 北山村 北山正街 南3巷 15號舖
 

 ☎️ 電話：13360601514

 

📍位置：北山大院裡面

（建議去到可以開高德，選擇步行，讓應用程式帶你行入去）

 

🚗 經港珠澳大橋入咗珠海關口後叫車

10分鐘直達

🚕 車費$15左右 🚕