唔使自己郁手燒，有自動串燒機，同埋非常積極有禮貌嘅店員會幫手處理烤肉。好玩好食！仲有自助無限任添嘅韓式涼拌前菜、超多款唔同嘅調味醬汁、泰式醬汁、唔同口味嘅燒烤粉等等。

 

推薦非常經典嘅招牌白肉串、烤生蠔、鰻魚、羊肉串、用雪梨洋蔥等等醃製嘅牛肋條（自帶果香，外脆內嫩，唔點任何嘢都已經非常好食）、韓式蕎麥冷麵、麻辣牛肉串、豬肥腸串、烤奶香饅頭（會送煉奶）、北海道牛奶吐司。

如果同行嘅朋友或者家人唔想食串燒，佢哋仲有傳統延邊米腸、炒拉麵、巨型嘅蛋炒飯、海帶湯等等。

—-----------------
白玉。朝鮮族烤串
珠海香洲區大道8號華發商都B館2樓B2006舖
營業時間：11am - 10pm

呢間係珠海人氣店，若果想食晚餐，平日最好6:00-6:30到達。此外，亦都可以喺小程序度預先攞位。

***如果想食得健康啲，記得喺開始嘅時候食啲前菜 / 叫一客小青瓜，最好食啲阻隔油脂同卡路里嘅嘢打底，咁就食得安心又健康***