OpenRice有人話夜晚黑有個男人（疑似老闆）冇乜禮貌。我哋晏晝去，全女班，我就覺得服務態度好好呀，而且仲好窩心，食咗40分鐘，都聽到佢會同啲客人講：「小心行、記得攞遮、多D嚟吖」

6:00 前都可以 有粥 / 炸鯪魚球 (半份)
詳情請向店員查詢

個人認為最抵食嘅係「四寶麵」 $43，加埋紫菜，只係加$3！一次過可以試魚皮餃、魚扎、豬肉丸同墨魚丸。呢幾款嘢係佢哋自己做嘅，比較有特色。

銀針粉太腍，唔建議叫，米粉同埋幼麵都好食。每碗粉麵上邊都有炸蒜，唔需要嘅記得講 。

想食得健康啲，記得嗌一碟菜 $18 全走，份量夠兩個人食，抵！食咗打底先。食飽可以喺九龍城呢個舊區周圍行吓街，再飲條「無糖肉桂蘋果醋」，穩定餐後血糖，想肥都幾難。

—---------------------------
黃明記粥粉麵家
九龍城沙浦道40-42號地下
喺富豪酒店旁邊

電話： 2716 2929
營業時間：星期一至日 早上11:00-凌晨1:00