Kay’s 太婆係客家人，細個經常都會去「醉瓊樓」食飯。每次去到我就好開心！因為「沙薑蓉+鹽焗雞+白飯」確實係人間美味！

大學畢業之後，我喺呢個舊區做政府翻譯主任期間，經一眾好同事介紹，認識咗呢間非常抵食、親民、性價比極高、數數吓原來已經有44年歷史嘅茶餐廳。

冇錯，佢係一間茶餐廳，不過除咗一般茶記食物之外，呢度最最最出名嘅，其實係鹽焗雞、鹽焗雞腎、鹽焗雞肝。

嚟緊呢區會有重建計劃，大家如果都想把握機會，試吓呢種古早味，不妨約返三五知己，早啲起行，嚟緊呢區會有重建嘅計劃，大家如果都想把握機會，試吓呢種原始嘅古早味，不妨約返三五知己，早啲起行。

🙋🏻‍♀️推薦大家食「鹽焗雞髀雞腎飯」，再加返碗家常靚湯。如果係星期一二，可以揀👍🏻老火菜乾豬肺湯$17；若果適逢係星期三四五，就可以試吓佢哋嘅💪🏻青紅蘿蔔豬骨湯$17。

啲雞非常嫩滑，又夠晒鹹香，細細件好易入口，就算唔掂沙薑，都已經好夠味。雞腎又係爽口有嚼頭！好正！

（雞腎＝雞珍，但唔係真正嘅腎臟，而係雞嘅「砂囊」（又稱雞胗或雞肫）

另外，如果鍾意食❤️雞肝（雞膶）❤️嘅朋友，都可以叫師傅搭兩件試試，雖然餐牌裏面冇寫，但都可以一試。

—----------------
嚟緊呢區會有重建嘅計劃，大家如果都想把握機會，試吓呢種原始嘅古早味，不妨約返三五知己，快啲起行吖。

叫得古早味，地方同裝修都會比較簡樸啲，侍應通常都係叔叔同長輩，請配合適當嘅心理預期🙏🏻☺️

—-------------------


逢星期一二有老火菜乾豬肺湯 $17

逢星期三四五就有家常青紅蘿蔔豬骨湯 $17

收八達通 / cash

冇跟餐飲品，想飲嘢就要另外叫🙏🏻

————
津津茶餐廳
北角英皇道774號模範邨地舖
電話： 2564 8731
營業時間：星期一至星期五 0700-1930
星期六日及公眾假期：全日休息