有別於一般嘅鹹牛肉蛋治，呢間長期爆棚嘅茶記，用嘅係新鮮碎牛，再加上秘製麻辣醬，每份即叫即制。小提示：記得叫烘底，烘咗嘅麵包，再加上爆汁嘅牛肉蛋，無論口感同層次都超豐富！$27@


如果唔食麻辣，佢都有走辣嘅版本。

 


助手超推薦佢哋嘅豬手，骨膠原滿滿，輕鬆脫骨，醬汁香濃，算係炆得幾軟爛，係佢喜歡嘅口感。（我就鍾意仲有保留少少咬口嘅）豬手麵$34@

 

 


小食方面：見到有幾枱都叫咗「麻辣牛爽脷」$36@，我就直頭叫一碟黑椒牛脷飯 $62@，無論係牛脷同埋個黑椒汁，我起碼比95分！


我哋仲叫咗雲吞水餃雙拼 $37@，味道正常，83分。

 


同枱嘅朋友叫咗沙嗲牛肉煎蛋公仔麵：沙嗲牛肉望落就普普通通，我會主張食返佢哋嘅「招牌嘢」。


想健康啲：可以叫碟菜，$22，勁大碟。啲菜心非常鮮甜，我叫咗走油，一樣咁好食！


飲品推介：懷舊紅豆冰、香芒凍檸茶、熱奶茶（所有飯餐都包熱飲，凍飲加$3）

 

***盡量避開11:30-1:30嘅食飯時間，咁就大大要排隊嘅機會。現場所見，香港人同埋中外遊客各佔一半，證明佢的確幾有吸引力***


 

新香園

深水埗186號地舖

Tel: 2728 7118

（仲有一間分店喺旺角）