半價食gaga - 好味、惹味又唔肥，極受香港人歡迎嘅餐廳

 

同樣係 ¥100，如果能夠變成 ¥200用，你話係咪好爽呢？


上次分享過「入門級」同埋「達人級」嘅國內消費方式。今次就介紹一間極受香港人歡迎嘅餐廳，睇吓點樣可以用半價食一餐＋用 ¥9.9 嘆埋巨杯裝嘅鮮果茶（無糖/加液體代糖）。

 

喺Gaga，落單前可以喺微信加入佢哋嘅會員群組，裡面會有食品同飲品嘅五折券。星期二購買絕大部分嘅主食都會有半價優惠。

 

此外，佢哋仲會有一張「¥9.9 嘆埋巨杯裝嘅鮮果茶」嘅優惠券送俾你。

 

群組裏面，亦都可以點擊唔同嘅福利卡、或者驚喜禮券包，經常都會送出無條件使用嘅 ¥10 / ¥20 嘅優惠券。

 

另外，星期二係會員日，好多飲品同主食，都會有半價優惠。

 

有時如果行過淨係想飲杯嘢，你scan我提供嘅QR CODE / 入咗群組都會有一張外賣八折咭。

 

如果大家去珠海，亦都可以試吓掃呢一個優惠碼：會得到鮮果茶優惠券一張，以及全單八折券一張。你只需要掃定個QR code，去到落單之前就會見到有呢兩張優惠券，點擊使用就OK。

 

如果都擔心唔知點用，落單之前立即叫店員幫你，佢哋一般都係熱情、友善，而且好幫得手嘅。

 

另外，入咗群組之後，佢哋時時都會透過唔同嘅遊戲或者抽獎，送出¥20 - ¥30 嘅優惠券俾你使用。

 

我同助手就喺Gaga增值咗$1000 ，會有$1200價值可以使用嘅，有時星期二過去食嘢，好似呢一餐咁，用少少錢買張半價券，¥305嘅一餐折咗之後其實就係差唔多半價！


操作：我哋用咗半價券再加埋充值之後嘅優惠，只係花咗大約 ¥165 （唔使HK$200）就已經食到一個前菜：芝士煙肉薯仔波波、虎蝦蕎麥雜菜能量碗、一隻蜜糖烤春雞、一杯海鹽芝士咖啡同埋一杯完全冇加糖嘅芒果香蕉菠蘿特飲。兩個人就慳到 ¥140，如果多啲人食，感覺就會更加抵。

 

以呢間餐廳嘅位置同定位、呢度食物同飲品嘅質素，仲有份量以及食材嘅新鮮程度，能夠以 ¥165左右 食到呢一餐，真係好抵好抵好抵！

 

所以，大家北上消費嘅時候，都要多啲留意唔同嘅群組優惠、大眾點評上面嘅優惠券、以及美團嘅團餐等等。

 

都係嗰句，想知點樣食得最抵，除咗留意我嘅post之外，到店時都不妨直接問吓店員，絕大部分都會好樂意解答㗎。