1. 減重：最有效嘅，莫過於就係開始減重。隨着體重減輕，脂肪減少，內臟脂肪亦都會有大幅嘅改善。想每個月減8至10磅？記得WhatsApp我，一定幫到手！ 66881970。

2. 減壓：其實好多讀者都知道，壓力係我哋健康嘅殺手，所以，無論工作或者家庭生活幾忙都好，必定要搵啲時間比自己休息、放鬆。無論係同朋友行吓街吹吓水、抑或係去按摩或者做運動都好，或者搵吓Kay傾吓偈都得㗎，總之要學識搵到適合自己嘅方法減壓。

3. 運動：任何運動都能夠為身體提供安多芬，即係做完運動個人都會開心啲。我覺得做咩運動唔重要，最緊要搵到能夠陪伴自己一齊做運動、一齊傾吓偈、甚至做完運動去食啲嘢嘅朋友。如果身體唔適合做運動，或者冇時間，其實「增加活動量」都係一個好好嘅方法。即係話唔一定要游水，跑步踩單車，飯後散步1小時都係對身體好有益嘅。

4. 戒糖：糖分亦都係健康嘅殺手，所以有得揀嘅話，所有飲品同埋小食，盡量都要揀無添加任何糖分。天然存在喺牛奶同埋水果裏面嘅糖分就例外，呢一種糖分，適量攝取係可以嘅。

5. 蛋白質：作為女性，要特別留意蛋白質嘅攝取，以避免隨着年紀慢慢增長，肌肉流失領導脂肪不斷上升，最後更加會「肌少症」，繼而影響我哋嘅活動能力、平衡力、同埋中老年後嘅生活質素。

6. 瞓覺：如果每晚唔能夠瞓到7小時左右，聽日晏晝或者搭車嘅時候，盡量諗辦法休息一下，瞓到30分鐘都非常好。但當然，最好就係早啲瞓，捱夜亦都係另外一個健康嘅殺手。