朋友係牛角嘅忠實fans同會員，佢話真心好食同埋抵食過牛角，大家可以試一試比較吓。

午市套餐：有勁多款式 $119@起

晚市放題：$298 / $398 / $498+

追加甜品放題：$30

追加酒精飲品放題：$58

 

必試推介：

除咗燒肉，佢哋舖頭仲有大水缸，每日都有新鮮海鮮，晏晝嘅「海鮮套餐」亦都只係百零蚊，食落真係好鮮味；另外，刺身亦好高質，我見助手就食得好開心！

 

$30 放題甜品+飲品

放題甜品🍮全部都係

由老闆經營嘅麵包店製作。款式多、賣相好、精緻又好食！我當日忍唔住未燒肉，就已經每樣食咗一件！連我啲朋友都笑我誇張。推介：薄荷蛋糕、芝士蛋糕、特濃朱古力蛋糕、朱古力卷卷、朱古力泡芙。

 

裝修（六至八人可以預約坐包箱，更有氣氛）

有特色、而且坐得好舒服。裝修嘅靈感我估係嚟自類似日本嘅「橫丁一番街」？因為裏面好多木材結構，仲有黃黃地嘅燈光，再加上好多唔同日本元素，令人感覺好relax！

 

呢間【燒肉武田(焼肉ホルモンたけ田)】，喺日本擁有超過40間分店，而沙田呢間係品牌嘅首間海外分店嚟㗎，而且而家已經做咗好幾年，晚市幾乎晚晚都爆棚！所以記得預先訂位吖 。

 


燒肉武田

地址： 沙田新城市廣場3期3樓A325舖

訂座 WhatsApp: 9694 7388