例子1：

如果嗰日想食麥樂雞或者炸雞，可以照樣叫一份同朋友分，然後食1/4隻燒雞 + 沙律菜（記得食菜先）

解說：食到雞同埋雞，但炸嘢嘅比例就立即少咗一半，仲多咗一至兩份菜，平衡晒身體健康同心靈健康。

例子2：

好想食牛丸 + 貢丸河粉：可以叫鮮牛肉、牛筋湯米 + 一碗清湯芥蘭（可以要D腩汁）

解說：一樣食到牛肉，而且仲係「原型食物」，加多一碗高纖嘅芥蘭，米粉或者幼麵，食完腸胃一定冇投訴。食飽仲可以飲多杯凍檸茶（最好走甜，可以落少少天然糖）

例子3：

天口㷫，好想飲果汁：盡量唔好飲勁升糖，而且仲要冇咗纖維保護嘅果汁。直接食份 (低糖) 水果，有纖維，又有咬口，又有唔同嘅維他命同埋微量元素。皮膚靚啲，抵抗力都會高啲。

例子4：

好想食薯片，好想食熱浪：唔食熱浪薯片（脂肪40% ）可以考慮熱浪蝦片（脂肪20% ），淨係呢度都慳咗一半由脂肪組成嘅卡路里。

解說：除咗將熱浪改為熱浪蝦片、或者其他細細包100卡左右嘅非油炸薯片，其實都可以將薯仔切薄片再氣炸/烘焗（可撈海鹽、煙紅椒粉、黑椒、孜然粉等）

例子5：

早餐好想食家樂X粟米片（高糖分、通常唔會太多纖維、仲要有唔少嘅脂肪）總之成件事都唔天然，仲係用基因改造嘅粟米：直接食一條粟米（可加鹽、少少硬身靚牛油)，剩返嘅卡路里，仲可以食多兩隻水煮蛋或者即食嗰啲茶葉蛋、日式溏心蛋。

例子6：

想飲有香精 + 糖嘅手打飲品，改飲靚茶葉茶、精品咖啡、齋啡、奶啡（唔加糖/加少少天然代糖）

希望以上全新嘅「欺騙大腦飲食法」可以幫到大家，食一啲相對比較肥膩啲，或者多添加劑嘅嘢食之前，可以容許自己停一停諗一諗，用少少相對健康啲嘅食物嚟到對沖一下，咁樣對身體嘅影響唔單止會少啲，亦都會瘦得快啲㗎。

 

三餐建議
早餐：
齋啡、奶啡、清茶、水煮蛋、日式溏心蛋、雞肉、煙三文魚、澳洲餅皮等等

午餐：
燒雞、牛扒、牛油果雜錦魚生沙律、脫醣米線、蕎麥麵、一片酸種麵包、大量蔬菜、無糖飲品等等

下午茶：
齋啡、奶啡、一份低糖水果、適量無添加堅果

晚餐：
任何蒸海鮮、烤雞扒或豬扒等等，大量新鮮蔬菜、無糖飲品

*記得食飽飯立即飲15毫升無糖蘋果醋，可以混合300至500毫升清水水、梳打水等等。有機會就行20分鐘、企起身搵啲嘢執吓做吓，去行街或者去附近散步等。最新研究顯示，就算食飽飯坐定定「䟴䟴腳」都得㗎，一樣可以有效穩定餐後血糖，更容易越食越fit ！*

 

加入WhatsApp優惠谷，㊙️🉐獨家飲食分享 + ✴️特價活動，快人一步優先獲通知🏃🏻‍♀️

🚛 購滿$500包郵（順豐智能櫃）

無論你對瘦身有任何疑問，歡迎隨時Whatsapp阿Kay: 66881970