隨住我哋 即將離開 👋🏻香港🇭🇰（網店嘅營運及出貨🚚100%維持正常）終於可以同大家介紹呢間 🤤 我哋收埋咗好耐嘅私藏店 🤤 ！

😆戴定頭盔🪖先：呢間餐廳只適合真心欣賞美食、唔需要打卡、唔需要食裝修、鍾意黑白胡椒湯底（驅寒、排胃氣、有助消化）、蕃茄豬膶鮮牛肉濃湯飯、會欣賞充滿香料同碎碎洋蔥嘅正宗巴基斯坦咖喱、識嘆牛尾、鍾意食牛腩、牛脷、牛肚、牛筋、喜歡清湯腩嘅朋友。

 

😋 如果你係第一次去，首選佢哋嘅咖喱五寶飯（牛腩、牛尾、牛脷、牛肚、牛筋）。

🤤 如果有同行嘅朋友，我會建議你試埋佢哋嘅坑腩河，清湯或者黑白胡椒湯。

 

另外，佢哋都有啲非常唔錯嘅小食，除咗10幾蚊嘅炸魚皮， $20大大碗嘅上湯煮蘿蔔，仲有麻辣牛肉、牛肚、牛脷。

 

仲有仲有，佢哋嘅魚蛋、墨丸同埋正宗潮州牛丸，亦都係好值得試嘅！

想食得健康啲，嗌碟油菜全走都只不過係$15 。

 

跟餐仲可以叫嘢飲，我最鍾意係龍鳳檸樂！可以揀無糖可樂，只係$12 ，而家提供鹹檸檬再加新鮮檸檬冰底嘅可樂嘅地方唔算好多，呢度嘅鹹檸檬，大推！飲完一轉，嗌多一罐可樂都只係$7。有咩好得過飲一杯無糖檸樂？咁當然就係飲兩杯無糖檸樂。哈哈哈哈哈。

 

-------------------------------

識咗大家十幾年，我知道有啲朋友可能都會問我哋離開香港之後會去邊，先賣個關子，七月尾會同大家詳盡介紹我哋嘅新居！而今晚5/6/2026嘅直播，我哋會同舊居講再見，有興趣嘅朋友，可以9:30入嚟同我哋say個Hello ！好高興認識大家。

 

網店嘅運作同出貨100%如常，WhatsApp都係，繼續係由我親自回覆嘅，放心放心，有咩請繼續WhatsApp我，24 x 7恭候。

 

-------------------------------

明德清湯腩咖喱專門店

九龍青山道542號地下（麗新商業中心對面）

電話： 9810 6639

荔枝角地鐵站 5分鐘直達