助手食過「墨魚滑蕃茄肉片金菇魚湯🍜米線」$85 ㊙️👍🏻㊙️👍🏻㊙️

 

我就鍾意佢哋嘅炸魚餅 + 生炸豬扒。

 

如果突然間想飲一個香濃嘅魚湯、食條煎魚，呢度會係我嘅首選。

 

呢度講得好聽啲就比較大眾化、親民；講得直白啲就係比較地踎少少。而其中一位侍應阿姐講嘢大聲啲，不過心地唔差嘅，不要在意就好。

 

留意繁忙時間有機會喺門口會排一陣。佢哋嘅食材新鮮，價錢都合理，而且仲有每日唔同嘅鮮魚，我覺得都係值得起碼回頭食幾次嘅米線泡飯魚湯專門店。

 

如果鍾意酸菜肉碎麻辣湯，可以叫$75嘅套餐，自選魚餅或雞翼或魚片或吉列豬扒或生炸豬扒，然後揀兩款配菜，配菜有非常多嘅選擇：粟米、魚滑、鮮魚片、豬肉片、墨丸、貢丸、鮮腐竹、扎肉、金菇、時菜等等。

 

至於是日推介，啲魚係時間，我當日4月20號去嘅時候，價錢如下，比大家參考：

 

花尾躉 $169、三刀立 $129、黑瓜子斑 $95、盲曹 $95、馬友 $89、海泥鯭 $89、山班 $89、黃花 $79、黃立䱽 $85、原個大魚頭 $89、瓜子斑 $95、好幾款魚尾 $59-$89@（追加一份花甲 $16@）

魚鱻 - 魚湯專門店

荃灣路德圍30號地下

電話：81143549

中午 12:00 - 晚上10:30