1. 食鹹嘅早餐，例如係雞蛋、牛油果、亦都可以加少少鹽，從而提升胰島素嘅敏感度直至中午（如果食有真糖嘅嘢，血糖就會好快飆升，全日都唔容易降落嚟）平時如果要食甜嘢，記得盡量飯後食，同埋揀一啲冇真糖嘅

2. 每一口嘅食物要咬10秒，飯後嘅血糖就會直接下降9%

3. 食飯嘅時候或者食飽飯之後，飲15毫升嘅無糖蘋果醋，我哋有獨立包裝嘅無糖蘋果醋，出街食就更加方便。蘋果醋可以抑制澱粉酶嘅活性大概三成左右。此外，醋亦都可以阻擋糖直接進入身體。

4. 注意食嘢嘅次序：食菜（約兩拳頭大小的蔬菜）同蛋白質先，最後先至食少量嘅碳水。血糖就會由最高峰直接下降75%。如果咁啱嗰餐冇咁多纖維，亦都可以用市面上一啲嘅高纖飲品代替。因為是食纖維可以阻隔油脂，同幫助減慢糖進入身體嘅速度。

5. 飯後立刻散步，可以係放狗，可以係同屋企人周圍行吓，亦都可以係喺公司附近買杯無糖嘅茶或者咖啡，總之周圍行吓，window shopping都可以㗎。簡單行大概15分鐘，血糖會升得慢啲、穩定啲，研究仲話餐後血糖會下降46%。

總括嚟講，根據史丹福大學呢個研究，以上幾招，已經可以近乎零成本，令到身體血糖整體穩定落嚟，並且提高胰島素的敏感性，即係冇咁容易令到脂肪增加，瘦身就更容易啦。