45至55歲呢個關鍵年紀，我哋所做嘅選擇，會決定咗我哋60至70歲+嘅生活質素。

 

唔係話要逆齡去返20歲，但對於青春期二期（😝即係更年期），其實點樣做先至可以確保自己可以優雅地過渡？

 

有時見到保養得好嘅長輩，心生羨慕，咁喺我哋而家呢個年紀，其實應該點樣準備？

 

飲食、休息、飲水、運動、代謝、唔好令身體發炎、留意骨質流失、定期檢討平時三餐嘅營養，更年期特別需要嘅大豆異黃酮、鈣質、維他命D、維他命B雜、奧米茄3等等。

 

最後，我而家最重視，但亦都最奢侈嘅，就係對平日嘅工作同生活嘅壓力管理。壓力令人窒息，仲會嚴重影響身體以及精神健康；因此，係好值得花時間去研究，點樣放鬆、放假、或者係放過自己。

 

退休前，最好就培養返三幾個興趣，可以係跳舞、瑜伽、跑步等嘅運動。然後再安排啲精神食糧自己：睇書、冥想、打坐、書法乜都可以㗎。

 

記得定期做身體檢查，尤其係更年期後嘅骨質密度、營養評估、血脂、血糖、血壓等等數據嘅監測。

 

更年期唔係凋零或者結束，人生依然美麗，可以繼續精彩，就視乎你今

日點安排同計劃。

 

最後亦都係最重要嘅，好好控制體重，盡量遠離三高、多啲留意體脂、內臟脂等等嘅數字，要有足夠嘅成熟程度去面對自己嘅身體變化，為退休做好準備。