要瘦，就要食得夠！

我知道聽到「食得夠」但同時又可以瘦，通常會覺得好矛盾。

但現實就係咁。

如果都仲係好猶豫，建議大家可以花三幾日實驗一下，當你見證到呢個「好神奇」嘅成果就會完全明白。

我幫過好多好多讀者，大部分都有個誤解，覺得如果我食嘢「多」，就肯定唔會瘦。

今日我就要話俾大家聽，除咗纖維之外，我哋都必須要食返多啲嘅蛋白質，然後你會發現以下好明顯嘅改變：

1. 朝早起身會精神好多，唔會去到11點都仲覺得未瞓醒；

2. 午餐之後冇咁攰，唔需要再飲咖啡或者手搖嚟提神；

3. 情緒穩定，唔會咁易比身邊嘅人激親；

4. 冇咁倚賴甜品或者甜嘅飲品，食慾亦冇咁高漲，人都冇咁衝動；

5. 血糖更穩定，配合埋高纖維同埋少量碳水，心理同生理都會覺得飽足啲，唔會成日咁容易肚餓，唔會時時都諗住陣間要食乜嘢。

 

以上嘅改變並唔係啲咩神奇嘅嘢，只係當我哋食夠蛋白質，氨基酸係可以製造足夠嘅神經傳道物質，令到我哋情緒變得穩定，精力更加好。此外，蛋白質亦都係多巴胺同血清素嘅原料，想保持肌肉，減低脂肪變得又瘦又靚就不可不知。

最後，體重60公斤嘅朋友，建議每日最少食90克嘅蛋白質，大概就係13隻蛋嘅份量，或者13隻麻雀牌大細嘅份量嘅蛋白質。

仲記唔記得直播講嘅「520菜菜肉肉飯」？即使係同樣份量嘅食物，只要我哋改變次序，一樣都會達到瘦身同埋健康嘅效果。

仲有，想瘦啲，瘦得快啲，健康啲，記得11點盡量上床瞓覺，最少瞓7-8個鐘，咁就真係想肥都難！

如果你係瞓得唔係幾好嘅朋友，歡迎隨時WhatsApp我，我俾啲貼士你： 6688 1970